O PP agradece á Xunta o incremento de prazas de comedor no CEIP a Magdalena no Concello das Pontes

O grupo municipal do Partido Popular no Concello das Pontes  agradeceu a través do seu portavoz, Javier Acosta, o “esforzo” realizado pola Xunta de Galicia para incrementar o número máximo de prazas de comedor no CEIP A Magdalena.

 

Desta maneira, o Goberno Autonómico atende, explicou Acosta, á demanda que que as nais e os pais dos nenos do centro trasladaron ao Partido Popular desde o inicio do curso escolar. “Estamos a falar dun incremento total de 130 prazas máis á semana -26 cada día-, o que supón un número total de máis de 1.500 comindas de luns a venres”, apuntou o portavoz popular.

 

Neste sentido, Acosta, quen incidiu na importancia que este servizo ten para “facilitar” a conciliación laboral de todas estas familias, subliñou o compromiso que, unha vez máis, dixo, o executivo galego realiza para atender as demadas  e as necesidades dos galegos e, en particular, dos veciños das Pontes.

 

Comprimiso autonómico

O portavoz aproveitou tamén para incidir en que, este ano, a falta de que se cerren as últimas autorizacións, o número estimado de prazas de comedor escolar será de 78.713 (1.653 máis que no 20/21), das cales 16.658 serían xestionadas por ANPAS ou Concellos, existindo tamén axudas –ou convenios de colaboración– da Consellería neste concepto para ambas as entidades.

En total o departamento educativo da Xunta xestiona 417 comedores, deles 281 de forma directa e 136 de forma indirecta (a través de empresas que serven menús con todos os estándares de calidade garantidos). Pola súa banda, as ANPAS son responsables de 203 comedores e os concellos de 51. Neste sentido, fai falta lembrar que a Consellería subvenciona os menús de ao redor de 4.754 comensais nestes 51 centros escolares de 16 concellos de toda Galicia. A maiores tamén destina axudas a Anpas para a xestión dos comedores, que este ano se duplican ata alcanzar os 1,2 M€.

 

Así mesmo, dixo Acosta, a Consellería facilita subvencionar o servizo de comedor escolar a 498 alumnos de centros de educación especial non públicos a través de convenios con 14 entidades, cun orzamento de máis de 210.000€.