O presidente provincial do Partido Popular da Coruña, Diego Calvo, presentou hoxe a Asier Polo como candidato do PP de Melide, nun acto no que anunciou o inicio dunha “nova etapa” para a formación no municipio, baseada nunha “nova enerxía, un novo equipo e un novo rumbo”.   Durante a súa intervención, Calvo, acompañado polo secretario xeral do PP Miguel Tellado,  destacou que a candidatura de Asier Polo representa a renovación do Partido Popular de Melide. O presidente provincial puxo en valor a súa mocidade, o seu coñecemento do municipio e da política municipal, así como a súa experiencia no traballo de campaña e no contacto directo cos veciños.   Esta renovación non implica esquecer a traxectoria da formación, lembrando que o Partido Popular xa gobernou Melide e coñece a responsabilidade que supón asumir a xestión municipal, tomar decisións e dar a cara ante os cidadáns.     “A xente en Melide ten demostrado vota PP  nas eleccións xerais e autonómicas e temos que facer que volva a votar PP cunha maioría suficiente para poder gobernar tamén nas municipais”, dixo Calvo.   Abrir, sumar, unir e escoitar  Neste sentido, Diego Calvo defendeu a necesidade de abrir o partido a persoas que queiran participar, con independencia de que conten ou non con experiencia política. “Temos que sumar talento, ideas e ganas de traballar; unir a todos aqueles que queren que Melide avance; e escoitar máis aos veciños antes de definir os proxectos”, afirmou.   O presidente provincial explicou que esta nova etapa debe abandonar a mirada permanente cara ao pasado para centrarse no futuro, saír á rúa, falar coa cidadanía e volver situar o Partido Popular no centro da vida municipal de Melide.   Sobre Asier Polo, o presidente provincial asegurou que a súa incorporación non responde simplemente á ocupación dun posto, senón ao liderado dunha nova etapa na que se combinarán experiencia e mocidade e na que se buscará recuperar un elemento que Calvo considera imprescindible na política: a confianza.   Finalmente, Diego Calvo animou ao novo candidato ante o reto que ten por diante e destacou a oportunidade de abrir “unha páxina nova na historia do Partido Popular de Melide”.    “Esta páxina comeza hoxe”, afirmou Calvo, resumindo o novo rumbo do PP de Melide en catro verbos: abrir, sumar, unir e escoitar.

Os deputados do Grupo Parlamentario Popular de Galicia Magdalena Pérez e Ángel Rodríguez, acompañados do presidente do Partido Popular de Boiro, Nolo Romero, visitaron as actividades da campaña extraordinaria Boiro Xoga, onde destacaron o firme compromiso da Xunta de Galicia co impulso e a modernización do comercio de proximidade a través das axudas aos Centros Comerciais Abertos (CCA).   Esta iniciativa, promovida pola Asociación Boirense de Empresas (ABE), é a primeira que se dá a coñecer das cinco campañas extraordinarias apoiadas polo Goberno galego nesta convocatoria. Trátase de proxectos que foron recoñecidos pola súa calidade, capacidade de innovación e impacto no territorio, e aos que o Executivo autonómico destina un importe total próximo aos 100.000 euros. En termos globais, a orde de axudas da Xunta mobiliza máis de 2,35 millóns de euros para apoiar a un total de 56 centros comerciais abertos de toda Galicia.   APOIO AUTONÓMICO Á EXCELENCIA E ÁS BOAS IDEAS  Durante a visita, a deputada popular Magdalena Pérez subliñou o “potencial dinamizador” dunha campaña que, durante semanas, converte a Boiro no escenario dun xogo de mesa creado especificamente arredor das súas rúas, espazos e negocios. “Boiro Xoga demostra unha enorme capacidade para unir comercio, ocio e participación cidadá en beneficio directo dos nosos negocios locais. É unha fórmula atractiva para fixar as compras”, sinalou.   Pola súa banda, Ángel Rodríguez gabou o compoñente innovador da proposta, que combina o formato físico co dixital. A clientela poderá conseguir o xogo a través dun sistema de puntos e participar na versión en liña mediante a web da ABE ou con códigos QR. Ademais, os establecementos participantes entregarán vales de xogo por compras iguais ou superiores a 20 euros. “O apoio da Xunta a estas cinco propostas extraordinarias demostra que o Goberno galego non só financia, senón que premia e incentiva a excelencia e as boas ideas que dinamizan os nosos concellos”, concluíu o deputado popular.   IMPULSO AO COMERCIO LOCAL DE BOIRO  Pola súa banda, o presidente do PP local amosou a súa satisfacción pola calidade do tecido empresarial do concello: “En Boiro temos a sorte de contar cunha Asociación Boirense de Empresarios moi activa e que dá exemplo de emprendemento con este tipo de iniciativas tan orixinais e novidosas”. Neste sentido, puxo en valor a aposta firme que desde o Goberno galego se fai por este tipo de iniciativas que impulsan o comercio local, recoñecendo a Boiro como un dos referentes autonómicos dentro da figura dos centros comerciais abertos”, engadiu.   “Este tipo de sinerxías entre a Xunta de Galicia e o asociacionismo empresarial local trae consigo uns beneficios importantísimos para Boiro. Xerarase unha economía que fará medrar a comunidade e un Boiro máis vivo, seguro e con futuro”, concluíu.

O grupo municipal do Partido Popular no Concello de Camariñas alertou a través da súa voceira, Paula Mouzo, do “grave descontrol financeiro” que existe nas arcas locais e criticou o…

O alcalde do Concello de Outes, Francisco Calo, mantivo nos últimos días unha reunión de traballo co conselleiro de Sanidade, Antonio Gómez Caamaño, na que o rexedor aproveitou para trasladar…