El O grupo municipal do Partido Popular no Concello de Oroso criticou hoxe a través do seu portavoz, Alexander Doval, que os grupos do BNG e do PSOE votasen en contra dunha moción presentada polo PP na que se reclamaba unha bonificación no Imposto de Vehículos de Tracción Mecánica (IVTM) para os vehículos que menos contaminen.

En concreto, desde o PP reclamaban que todos aqueles vehículos que conten coa etiqueta ambiental CERO estivesen exentos ao 100% desta taxa, mentres que os que conten coa etique ambiental ECO se beneficiesen dunha redución do  75% deste imposto.

Por outra banda, os populares aproveitaron o pleno municipal para presentar unha serie de rogos e de preguntas que teñen que ver con que:

1. Se inste ao Ministerio de Transportes, Movilidad y Agenda Urbana do Goberno de España á reparación do firme da ponte da N-550 sobre o río Tambre.

2. Se proceda ao arranxo da arqueta situada no km 18´083 do Camiño Inglés que supura e desprende un gran olor. Que se proceda á reparación do tramo levantado da senda peonil que une o cruce do Local Social da Gándara ata a Urbanización Porto Avieira.

3. Se limpe correctamente o perímetro da Ponte Carollo na parroquia de Cardama, de maneira que sexa posible a circulación de peóns sen ir pola calzada e aumente a visibilidade para vehículos.