A O portavoz do Partido Popular no Concello de Oroso, Alex Doval, mostra a súa preocupación pola non convocatoria de subvencións a entidades deportivas e culturais do concello neste ano.

Os populares cualificaron de “grave” que xa ben entrado o mes de novembro esta liña de axudas aínda estea sen convocar, tendo en conta que nos pasados exercicios publicábase no mes de abril, resolvíanse á volta do verán e xustificábanse a finais de ano.

“Moitos dos clubes deportivos e entidades culturais precisan de esta axuda para poder manterse e continuar coas actividades que realizan”, apuntou Doval, que se fai eco do malestar existente entre estas organizacións.

“Esta deixadez é unha nova mostra da incapacidade do equipo de goberno PSOE-BNG de xestionar os trámites ordinarios e recorrentes do concello”, incidiu Doval.

O líder popular aproveitou tamén para louvar a labor realizada por estas entidades a prol do deporte e a cultura no municipio.

E apuntar que o compromiso do Partido Popular de Oroso con estas entidades é plena e incidiu en que a próxima lexislatura comprométense a aumentar a partida orzamentaria destinada a estas organizacións.