O grupo do Partido Popular no Concello de Muxía anunciou hoxe, a través do súa portavoz, Sandra Vilela, que poñerá á disposición dos veciños un servizo xurídico para tramitar as queixas pola subida no recibo pola recollida de lixos imposto polo Goberno Local.

Os populares tomaron esta decisión despois de detectar o malestar veciñal que provocou o executivo local tras dar de alta 200 novos recibos relacionados con este servizo. “O que sucedeu é que se cruzaron os datos do suministro da auga, provocado, por exemplo, que explotacións gandeiras que non xeran residuos dese tipo obrígueselles agora a pagar esa taxa e, con todo , si a explotación non ten auga non”, explicou Vilela.

Con esta decisión, dixo a portavoz popular, o Goberno Local está a crear un prexuízo entre o sector e está a castigar aos donos de pequenos alpendres ou garaxes que xa pagaban o servicio de lixo na súa vivenda e agora terán que facelo por duplicado, sen esquecerse, indicou Vilela, dos veciños que facían o propio nas súas vivendas e que agora tamén o farán pola a comunidade de veciños á que pertencen.

Subida de impostos encuberta

Os populares aproveitaron tamén para incidir en que esta medida, baseada nunha lei que data do ano 1985, non se aplica en ningún outro municipio da comarca, unha circunstancia que, segundo Vilela, supón unha subida de impostos “encuberta” para a xente e os negocios de Muxía nun momento que, segundo a portavoz do PP, o Goberno Local debería de procurar non incrementar a carga fiscal de deben soportar os veciños.

“Estamos a sufrir por culpa do Goberno Central a subida da luz, do gas e dos combustibles e agora, en Muxía, os veciños teñen que facer fronte a un novo imposto de 60 euros ao ano por decisión do alcalde”, lamentou Vilela, quen lembrou que a súa formación propuxo hai tempo unha liña de axudas dirixida aos autónomos que foi rexeitada polo executivo municipal.

Ademais, desde o Partido Popular, onde esperan que o rexedor, Iago Toba, rectifique esta decisión, critican tamén a falta de información que sufriron os veciños, os cales, dixo Vilela, atopáronse nas súas casas con cartas ordinarias avisando do alta neste servizo sen recibir ningunha explicación.